---
title: "Emmenthaler Kühreihen | EPOCHE NAPOLEON"
url: "https://www.epoche-napoleon.net/werk/a/arnim02/wunderhorn03/100.html"
description: Der Text »Emmenthaler Kühreihen« ist Teil der Märchen- und Sagensammlung »Des Knaben Wunderhorn«, dass durchd die Schriftsteller Ludwig Joachim von Arnmin und Clemens von Brentano in drei Bänden verfasst wurde.
author: Michael Gnessner
date: 2024-12-03
modified: 2026-09-01
---

# Emmenthaler Kühreihen | EPOCHE NAPOLEON

Emmenthaler Kühreihen
=======================

###  Des Knaben Wunderhorn

###  \[TEXT\]

Knabe.

Mys Lieb' isch gar wyt inne,
Dort inne uf der steinige Fluh;
Wenn i scho zun ihm wetti,
O so reute mi di Schuh!

Meitschent.

La du di dSchuh nit reuen,
Leg du dine Bantöffeli a;
We du si de hest broche,
So chast ja de angeri ha.

Knabe.

I ma nit i der Wuche
Uf d Fluh zu mynem Schätzeli ga,
Es gitt ja so ne Fyrtig,
Wo ni zum Schätzeli cha!

Meitschent.

My Schatz cha gar gut hornen,
Er cha di Reyhli alli gar wohl;
Er hornt mer alli Morgen,
O wenn ig a melche soll.

Knabe.

Mys Lieb' trybt über d' Gasse,
Gar s'tusigs schönes Trüppeli Veh!
O i ha gar längi Zyti,
Wenn is de so nimme cha g'seh!

Meitschent.

Wenn i de soll ga mälche,
So steyt mer de mys Kühli nit recht;
Da stellen i d's Kübli näbe mi,
U gaugle mit dem Knecht.

Knabe.

O d's Kühli wey mer verkaufe,
U d's Kalbeli wey mer de no b'ha;
Wenn früh de d'Meitscheni mälche,
Chan i de no zu der gah.